विश्र्व प्रसिद्ध मूल्यांकन शिक्षण स्पर्धेत कृष्णा तुषार चौधरी यांचे यश व सत्कार

भुसावळ: येथील सेंट अलॉयसियस हायस्कूलमधील इयत्ता पाचवीतील विद्यार्थी कृष्णा तुषार चौधरी याने पाच ते सात वयोगटात विश्र्व प्रसिद्ध मूल्यांकन शिक्षण स्पर्धेत यश संपादन केले आहे. ही स्पर्धा ISKCON संस्थेच्या वतीने आयोजित करण्यात आली होती. या विद्यार्थ्याला विजेतेपद मिळाल्या बद्दल भारतीय अंतराळ संशोधन संस्थेचे (ISRO) आणि चांद्रयान-३ मोहिमेचे अध्यक्ष डॉ. एस. सोमनाथ यांच्या हस्ते यांचे हस्ते बंगलोर येथे इलेक्ट्रिक सायकल व प्रमाणपत्र प्रदान करण्यात आले. या विद्यार्थ्याचे वडील सी ए तुषार चौधरी, भुसावळ येथे प्रॅक्टिसिंग चार्टर्ड अकाउंटंट आहेत तर त्यांची आई ज्योती चौधरी ह्या प्रोप्रायटर ई-टॅक्स सर्विसेस इंडिया ( आर टी ओ सर्विसेस ) आणि म्युच्युअल फंड डिस्ट्रिब्युटर म्हणून कार्यरत आहेत. भुसावळ शहराच्या नावलौकिकात भर घालणाऱ्या या यशाबद्दल सर्वत्र अभिनंदनाचा वर्षाव होत आहे.