वारकऱ्यांच्या सेवेसाठी भुसावळहून पंढरपूरकडे जाणाऱ्या आषाढी विशेष रेल्वे (गाडी क्र. 01159) ला आज भव्य समारंभात केंद्रीय युवा व क्रीडा राज्यमंत्री सौ. रक्षा खडसे यांच्या हस्ते हिरवा झेंडा दाखवून रवाना करण्यात आले.
या समारंभप्रसंगी कपडा मंत्रालयाचे राज्यमंत्री श्री. संजय सावकारे, भुसावळचे विभागीय रेल्वे व्यवस्थापक (DRM) आणि जळगावचे जिल्हाधिकारी उपस्थित होते. सर्व मान्यवरांच्या उपस्थितीत भाविक आणि वारकऱ्यांच्या शुभेच्छा घेऊन रेल्वेने पंढरपूरकडे आपला प्रवास सुरू केला.
यावर्षी हजारो भाविक या सुविधेचा लाभ घेऊन पंढरपूर वारीसाठी रवाना झाले आहेत. दि. ६ जुलै रोजी रेल्वे पंढरपूरला पोहोचेल आणि रात्री परतीच्या प्रवासासाठी रवाना होईल
Leave a Reply